"Ньюкасл" ва Бразилия терма жамоаси ярим ҳимоячиси Бруно Гимараэс "қарғалар" раҳбариятига Лондоннинг "Арсенал" клуби ўйинчиси бўлиш истаги борлигини маълум қилди. Бу ҳақда журналист Давид Орнштейн ўзининг инсайдида бўлишди.

Эндиликда "Арсенал" ушбу потенциал трансфер масаласида фаоллик кўрсатиши кутилмоқда. Манбанинг маълумотига кўра, "канонирлар" футболчи учун тахминан 70 миллион евро таклиф қилишга тайёр.

"Шахсий шартлар муаммо бўлмайди, бироқ "Ньюкасл" ярим ҳимоячини қўйиб юборишни истамаяпти", — дея қайд этди Орнштейн.

Гимараэс "қарғалар" сафида тўрт йилдан буён тўп сурмоқда. 28 ёшли футболчи фаолияти давомида илгари "Аудакс", "Атлетико Паранаэнсе" ва "Лион" жамоаларида ўйнаган.