«Хетафе» «Вильярреал» ярим ҳимоячиси Рамон Терратснинг трансфери бўйича келишувга эришди. Шартнома 2029 йилнинг 30 июнига қадар амал қилади.

Transfermarkt маълумотларига кўра, келишув суммаси 2,5 миллион еврони ташкил этди. Унинг «Вильярреал» билан бўлган аввалги шартномаси 2027 йилнинг 30 июнига қадар мўлжалланган эди.

25 ёшли испаниялик футболчи 2025/26 йилги мавсумни «Эспаньол»да ижара асосида ўтказди. У 31 та ўйинда иштирок этиб, битта гол ва иккита голли узатмага муаллифлик қилди. У фаолияти давомида «Жирона» шарафини ҳам ҳимоя қилган.

Transfermarkt портали футболчининг трансфер қийматини уч миллион еврога баҳоламоқда.