«Реал» ярим ҳимоячиси Орельен Тчуамени клуб билан янги шартнома имзолайди, деб хабар бермоқда инсайдер Фабрицио Романо.
Манбага кўра, 26 ёшли франциялик футболчи ОАВларда хабар қилинганидек, «Манчестер Юнайтед»га ўтишга яқин бўлмаган. Бунга футболчининг юқори маоши ва «Реал»нинг уни қўйиб юборишни истамагани сабаб бўлган.
Тчуаменининг янги шартномаси 2031 йилгача мўлжалланган бўлади. Амалдаги келишув эса 2028 йилда ўз ниҳоясига етади.
Тчуамени 2022 йилнинг ёзидан буён «Реал» сафида тўп тепади. Ўтган мавсумда у барча турнирларда 49 та ўйин ўтказиб, 2 та гол урди ва 2 та голли узатмани амалга оширди.
