«Манчестер Сити»нинг собиқ дарвозабони Вилли Кабальеро клубга қайтди ва жамоанинг янги бош мураббийи Энцо Маресканинг мураббийлар штабидан ўрин олди.
2014 йилдан 2017 йилгача «Этиҳад»да уч йил ўтказган Аргентина терма жамоасининг собиқ посбони Мареска билан «Лестер» ва «Челси»да ишлаганидан сўнг, энди асосий жамоа мураббийи сифатида клубга қайтиб келмоқда.
Кабальеро 2016 йилда «Манчестер Сити» билан Лига кубогини қўлга киритган ва Пеп Гвардиола қўл остида ўйнаган, шундан сўнг Мареска билан мураббийлик фаолиятини бошлаган эди.
44 ёшли Кабальеро энди мураббийлар штабида фаолият юритади. Ушбу штабдан бош мураббий ёрдамчиси Роберто Витиелло, мураббий Дэнни Уокер, дарвозабонлар мураббийи Микеле Де Бернардин, жисмоний тайёргарлик бўйича мураббий Маркос Альварес, таҳлилчи Хавьер Молина ва бошқалар ҳам ўрин олган.
