Франция терма жамоаси бош мураббийи Дидье Дешам ЖЧ-2026 чорак финали учун аргентиналик ҳакамлар бригадаси тайинлангани юзасидан изоҳ берди. Французлар ушбу босқичда Марокаш билан тўқнаш келишади.

Ўйинни аргентиналик ҳакам Факундо Тельо бошқариб боради, унинг ёрдамчилари ҳам Аргентина вакиллари бўлади. Франция финалда аргентиналиклар билан ўйнаши мумкинлиги сабабли, бу тайинлов муҳокамаларга сабаб бўлди.

«Биз буни борлигича қабул қилишимиз керак. Мен ҳакамларга ишонаман. Бизнинг рақибимиз ҳакам эмас, балки Марокаш», — дея мутахассиснинг сўзларини келтиради The Guardian.

Франциялик мураббий, шунингдек, Аргентина ва Миср ўртасидаги 1/8 финал баҳсида франциялик ҳакам Франсуа Летексьенинг ишидан норози бўлган танқидчиларга ҳам жавоб қайтарди.

«Умид қиламизки, [бизнинг ўйинимиздаги] ҳакамлар ҳам жаноб Летексье қанчалик яхши бўлса, шунчалик яхши бўлиб чиқишади».

Франция ва Марокаш ўртасидаги ўйин 9 июль куни бўлиб ўтади ва Тошкент вақти билан соат 01:00 да бошланади.