«Челси» матбуот хизмати ярим ҳимоячи Жесси Дерри билан шартнома узайтирилганини эълон қилди. Футболчининг янги келишуви 2032 йилнинг 30 июнига қадар мўлжалланган.

«Ўз келажагимни «Челси» каби катта клуб билан боғлаш — бу ушланган орзу. Олдинда бизни нималар кутаётганидан жуда ҳаяжондаман. Охирги 12 ой ичида ўзимни клубга илк келган патимдагига қараганда бутунлай бошқача футболчи сифатида ҳис қиляпман ва бунда мен бирга ишлаган барча мураббийларнинг ҳиссаси катта», — деди Дерри шартнома имзолаганидан кейин.

Жесси Дерри жорий йилнинг февраль ойида Англия Кубоги доирасидаги «Халл Сити»га қарши ўйинда «Челси» сафида дебют қилган эди. У АПЛда илк бор 4 май куни «Ноттингем»га қарши баҳсда «кўклар»нинг старт таркибида майдонга тушди. Аввалроқ Деррига «Бавария» ва «Ювентус» клублари қизиқиш билдираётгани ҳақида хабар берилганди.