14 сентябрь куни Қиргулидаги “Нефтчи СК” стадионида Олий лига 18-туридан ўрин олган “Нефтчи” – “Олмалиқ” учрашуви бўлиб ўтади.

 Бу жамоалар олий лигада жами 11 бора тўқнаш келишган. Шулардан 6 тасида фарғоналиклар, 3 тасида олмалиқликлар ғолиб бўлишган. Иккита учрашув эса дуранг билан ниҳояланган. Тўплар нисбати “Нефтчи” фойдасига 20:11 ни ташкил қилмоқда. Ўзаро ўинларда “Нефтчи” 20, “Олмалиқ” эса 11 очкони қўлга киритган. Айтиш жоизки, олмалиқликлар Фарғонада умуман очко олишмаган.

Фарғонада бўлиб ўтган учрашувлар:
21.11.2012
Нефтчи - Олмалиқ - 4:2 (1:0)

05.11.2011
Нефтчи - Олмалиқ - 4:1 (1:0)

20.03.2010
Нефтчи- Олмалиқ - 3:0 (2:0)

10.10.2009
Нефтчи – Олмалиқ - 2:1 (2:1)

28.08.2008
Нефтчи – ОТМК - 4:1 (2:1)

Учрашувни Цейтлин бошқаради
Ўзбекистон профессионал футбол лигаси Олий лига 18-тур ўйинларини бошқариб борадиган ҳакамлар номини маълум қилди. Унга кўра, 14 сентябрь куни Қиргулида “Нефтчи” СК стадионида ўтказиладиган «Нефтчи» – «Олмалиқ» учрашувини Владислав Цейтлин бошчилигидаги ҳакамлар бошқариб борариб боришади.
Учрашувнинг назоратчи ҳаками Сайфиддин Эрматов.

Олий лига, 18-тур
«Нефтчи» (Фарғона) – «Олмалиқ» (Олмалиқ)
Ҳакамлар: В. Цейтлин (Тошкент), Б. Нарсафаров (Қарши), В. Лушин (Гулистон), Д. Пислегин (Тошкент)
Назоратчи: С. Эрматов (Тошкент).

Ўйин Қиргулидаги “Нефтчи СК” стадионида соат 16:30 да бошланади.
Ўринбосарлар баҳси эса Қувасой шаҳридаги “Марказий” стадионида бўлиб ўтади.