«Рома»нинг аргентиналик вингери Матиас Соуле Англия чемпионатига ўтиши мумкин.
Журналист Николо Скиранинг таъкидлашича, 23 ёшли ҳужумчининг хизматларига Англиянинг «Сандерленд» клуби қизиқиш билдирмоқда. Яқин соатлар ичида тўғридан-тўғри музокаралар бошланиши кутилмоқда. Манбага кўра, «Рома» футболчини сотиш орқали 35-40 миллион евро ишлаб олмоқчи.
2025/26-йилги мавсумда Соуле барча мусобақаларда 42 та ўйинда иштирок этиб, еттита гол урган ва саккизта голли узатмага муаллифлик қилган.
Соуленинг римликлар билан амалдаги меҳнат шартномаси 2029-йилнинг июнига қадар мўлжалланган. Transfermarkt экспертлари аргентиналик футболчини 35 миллион еврога баҳоламоқда.
