Англия терма жамоаси бош мураббийи Томас Тухель ЖЧ-2026 нинг 1/8 финалидан ўрин олган Мексикага қарши учрашувни (3:2) Англия Кубогидаги ўйинга ўхшатди.
«Мексикага бўлган саёҳат менга жуда ёқди. Мамлакатни ўзгартириш, футбол севиладиган, ҳиссиётларга бой юртга бориш. "Пумас" стадионидаги машғулотлар ўзига хос бўлди, "Ацтека"да майдонга тушиб, шундай ўйин ўтказиш эса унутилмас таассуротлар тақдим этди. Биз жамоа билан айнан шу ҳақда гаплашгандик — шунчаки ғалаба қозониш йўлини топиш керак эди.
Агар АПЛ билан таққосламоқчи бўлсангиз, бу январь ойи дегани. Бу "Сандерленд". Бу Англия Кубоги. "Сандерленд" ёки "Лидс" меҳмонига бориш. Бу жуда катта қийинчилик. Оби-ҳаво яхши эмас. Ҳакамнинг қарорлари ёқмайди. Ҳамма нарса ёмон кўринади. Бундан шунчаки ўтиб олиш керак. Агар якунда "Уэмбли"да бўлишни истасанг.
Январь ёки февраль ойида турнирдан чиқиб кетмаслик муҳим. Кейин эса ҳеч ким сиздан қандай ғалаба қозонганингизни сўраб ўтирмайди. Шундан сўнг энг қизиқарли вақтлар бошланади. Кейин апрель, ундан кейин май келади, ҳамма нарса осонлашиши мумкин ва ўшанда сиз ўзлигингизни кўрсатиб, ўтмишни унутишингиз мумкин бўлади», — деди Томас Тухель.
Турнирнинг чорак финалида Англия Норвегияга қарши майдонга тушади.
