Юрген Клопп Германия терма жамоаси бош мураббийи лавозимига тайинланишга янада яқинлашди. Sky Sport Germany хабарига кўра, «Ливерпул»нинг собиқ устози Германия футбол иттифоқи билан принципиал келишувга эришган.
Томонлар ўртасидаги музокаралар Нью-Йоркдаги учрашувдан сўнг якунланди. Томонлар кейинги жаҳон чемпионатига қадар бўлган муддатга мўлжалланган шартномани келишиб олишди. Шу билан бирга, ҳали ҳал қилиниши керак бўлган охирги тафсилотлар қолмоқда.
Энди Клопп Red Bull тизимидан чиқиш жараёнини якунлаши керак. Компаниянинг спорт йўналиши раҳбари Оливер Минцлафф билан келишув яқин кунларда эришилиши кутилмоқда.
