Журналист Жанлука Лонгарининг хабар беришича, «Ал-Ҳилол» ҳужумчиси Малком жамоа билан хайрлашмоқчи.
Манбага кўра, 29 ёшли бразилиялик футболчига «Фенербахче» қизиқиш билдирмоқда.
Футболчининг Саудия клуби билан амалдаги шартномаси 2027 йилнинг 30 июнига қадар мўлжалланган. У «Ал-Ҳилол» сафида 2023 йилнинг июль ойидан буён тўп суриб келмоқда.
2025/26 йилги мавсумда Малком 40 та ўйинда майдонга тушиб, тўққизта гол урди ва 12 та голли узатмани амалга оширди.
Футболчи Саудия клубига 2019 йилдан буён ўйнаб келган «Зенит»дан ўтган эди.
Transfermarkt портали футболчининг трансфер қийматини 18 миллион еврога баҳоламоқда.
