Англия терма жамоаси ярим ҳимоячиси Жуд Беллингем бош мураббий Томас Тухелнинг ЖЧ-2026 чорак финалида Норвегия устидан қозонилган ғалабадан (2:1) кейинги танқидига жавоб қайтарди. Аввалроқ Тухель жамоа ўз ўйинини ўзи мураккаблаштирганини айтган эди.
«Балки у бундай шароитда Эрлинг Холанд, Мартин Эдегор, Антонио Нуса ва Сёрлот каби футболчиларга қарши ўйнаш қандай эканини билмас. Бу умуман осон рақиб эмас. Шунинг учун, биласизми, биз позитив муҳит яратишга ҳаракат қилдик ва турнирнинг ҳал қилувчи босқичи олдидан бу руҳни сақлаб қолишимиз керак», — дея Беллингемнинг сўзларидан иқтибос келтиради TNT Sports.
Беллингем ушбу учрашувда дубль қайд этган эди.
Турнир ярим финалида Англия терма жамоаси Аргентина — Швейцария жуфтлиги ғолиби билан куч синашади.
