Аргентина терма жамоаси бош мураббийи Лионель Скалони бўлажак Жаҳон чемпионати ярим финали ҳақида гапирди. Швейцарияни 3:1 ҳисобида мағлуб этган "Альбиселесте" энди Англия билан тўқнаш келади.
"Биз учун Англия ёки Норвегия билан ўйнашимиз муҳим эмас эди. Биз жуда яхши ўйнайдиган ва ажойиб мураббийга эга жамоага қарши ўйнаяпмиз. Энди биз жисмоний ҳолатимизни тиклашимиз керак - бу биз учун ҳозир энг муҳим нарса", - деди Скалони.
Англия ва Аргентина 15 июль, чоршанба куни Жаҳон чемпионати финалига чиқиш учун ўйнайди. Ўйин Тошкент вақти билан соат 23:59да бошланади.
