«Манчестер Юнайтед»нинг собиқ ҳимоячиси Рио Фердинанд «Арсенал» Маркус Рэшфорднинг келажаги борасидаги ноаниқликдан фойдаланиб, инглиз ҳужумчисини ўз сафига қўшиб олишга уриниб кўриши керак деб ҳисоблайди.

Лондон клуби бу ёз чап қанот вингери позициясини кучайтиришни режалаштирмоқда. «Канонирлар»нинг устувор мақсадларидан бири — жамоани тарк этиши мумкин бўлган Леандро Троссарга ўринбосар топиш.

«Мен Рэшфордни олган бўлардим. 46 миллион евро эвазига уни шунчаки олиб кетган бўлардим», — деди Фердинанд ўз YouTube-каналида.

«Барселона»даги муваффақиятли ижарадан сўнг Рэшфорд каталонияликлар сафига тўлиқ ўтишни кутган эди, бироқ испан клуби бошқа вариантни танлаб, «Ньюкасл»дан Энтони Гордонни харид қилди.