Инсайдерларнинг хабарига кўра, «Барселона» ҳужумчиси Ферран Торрес яқин орада «ПСЖ»га ўтиши мумкин. Шу билан бирга, парижликлар ҳужумчиси Брэдли Баркола жамоани тарк этишга яқин турибди.

L’Equipe нашрига кўра, «ПСЖ» 23 ёшли Барколани 150 миллион еврога баҳоламоқда. Унга «Ливерпуль», «Арсенал» ва «Бавария» клублари қизиқиш билдирмоқда.

Футболчининг Париж клуби билан шартномаси 2028 йилгача мўлжалланган бўлиб, у жамоа сафида 152 та ўйинда 39 та гол урди ва 37 та голли узатма муаллифига айланди.