Англия терма жамоасининг собиқ ҳужумчиси Алан Ширер жамоанинг Норвегияга қарши кечган чорак финал ўйинидан сўнг ўз фикрларини билдирди. Асосий вақт 1:1 ҳисобида дуранг билан якунланган эди. Томас Тухел жамоаси қўшимча вақтларда ғалабани илиб кетиб (2:1), ярим финал йўлланмасини қўлга киритди. Ўйинда Жуд Беллингем дубль қайд этди.

«Нимадан бошласам экан? Яна биринчи бўлиб гол ўтказиб юборганимиздан қаттиқ хафсаласи пир бўлди. Аммо бу Англия терма жамоаси жуда мустаҳкам иродага эга. Иккинчи бўлимда жамоа қийналганида, босим остида қолганида ва муаммоларга дуч келганида, улар барибир вазиятдан чиқиб кетиш йўлини топишди. Шу йигит, айнан Беллингем яна бир бор ёрдамга келгани мени ажаблантирмади», — деди Ширер.

Ярим финалда Англия Аргентина билан тўқнаш келади. Учрашув 15 июль, чоршанба куни бўлиб ўтади.