Марк-Андре тер Штегеннинг «Барселона»дан «Аякс»га ижарага ўтиши кечикаётгани маълум бўлди. Клублар раҳбарияти ҳалигача битимнинг сўнгги тафсилотларини келишиб олмаган.
Mundo Deportivo хабарига кўра, 34 ёшли дарвозабон амстердамликлар билан 2026/27 йилги мавсум учун шахсий шартнома шартларини аллақачон келишиб олган. Эндиликда солиқлар ва маошнинг бир қисмини «Барселона» тўлаши масаласини ҳал қилиш қолган.
«Аякс» келишувни аввалроқ якунлашни режалаштирган эди ва кечикишлар сабаб трансфер амалга ошмай қолишидан хавотирда. Нидерландия клуби мавсум бошланиши ва Конференциялар лигаси саралаш босқичи ўйинларидан олдин янги дарвозабонни сафига қўшиб олмоқчи.
Шунингдек, ўйинчи ҳали «Барселона»да тиббий кўрикдан ўтмагани, бу текширув эса унинг жароҳатдан тўлиқ фориғ бўлганини аниқлаши лозимлиги қайд этилмоқда.
