Испанияда собиқ «Реал» устози Жозе Моуриньонинг шарафига ёшлар ўртасида футбол турнири ташкил қилинди. Мусобақа 20-22 сентябр кунлари бўлиб ўтади.

Шуни ҳам таъкидлаш жоизки, Моуриньонинг ўғли Хосе Мария отаси «Реал»да ишлаган вақтида турнир ташкилотчиси бўлган «Депортиво Канильяс» таркибида ушбу турнирда қатнашган эди.

Турнирнинг иштирокчиларидан бири ҳозирда Хосе Мари ҳаракат қилаётган Лондоннинг «Фулҳэм» жамоаси бўлади. Бундан ташқари турнирда «Реал», «Барселона», «Атлетико», «Ювентус» ва «Вердер» жамоаларининг ёшлари ҳам таклиф қилинган.

Моуриньо Мадридда бўлган вақтида бу мусобақанинг ташкилий ишларида жуда фаол қатнашган. Бугунги кунда эса турнир унинг номи билан аталадиган бўлди.