«Ювентус»нинг канадалик ҳужумчиси Жонатан Дэвид турк клубининг таклифини рад этди. Бу ҳақда журналист Николо Скира хабар бермоқда.

Манба маълумотларига кўра, Суперлиганинг номи ошкор этилмаган клуби 26 ёшли ҳужумчини ўз сафига қўшиб олмоқчи бўлган, бироқ рад жавобини олган. Дэвиднинг «Ювентус» билан амалдаги шартномаси 2030 йилгача мўлжалланган бўлиб, у мавсумига 6 миллион евро маош ва 2 миллион евро миқдорида бонуслар олади. Кўринишидан, футболчи клубдан кетишдан манфаатдор эмас.

Ўтган мавсумда Дэвид барча турнирларда 46 та учрашувда иштирок этиб, 8 марта рақиблар дарвозасини ишғол қилган ва 5 та голли узатмани амалга оширган.