«Барселона» раҳбари Жоан Лапорта «Ньюкасл»дан сотиб олинган вингер Энтони Гордоннинг ўйини ҳақидаги фикрлари билан ўртоқлашди.

Каталония гранди англиялик футболчининг трансферини жаҳон чемпионати бошланишидан аввал расмийлаштирган эди. Яқинда 25 ёшли футболчи ўз терма жамоасига чорак финал доирасида Норвегия устидан қозонилган ғалабада (2:1) ёрдам берди ва голли узатма муаллифига айланди.

«Гордон айни пайтда ажойиб спорт формасида. У яккакурашларда ўзини кўрсата олди. Норвегияга қарши ўйинда у Жуд Беллингемга ассистентлик қилди — бу жуда таъсирли чиқди», — дея Лапортанинг сўзларини келтиради Managing Barca.

15 июль куни Англия терма жамоаси ярим финал учрашувида Аргентинага қарши майдонга тушади.