«Челси» «Райо Вальекано»нинг 28 ёшли чап қанот ҳимоячиси Пеп Чаварриянинг трансфери бўйича янги таклиф тайёрламоқда.
Аввалроқ лондонликлар бонуслар билан бирга 12 миллион евро таклиф қилгани, бироқ бу испан клубини қаноатлантирмагани хабар қилинганди.
Эндиликда, инсайдер Маттео Мореттонинг маълумотларига кўра, инглиз жамоаси бонусларни ҳисобга олган ҳолда 25 миллион евро миқдорида янги таклиф билдирмоқчи.
Футболчи аллақачон «Челси» билан келишувга эришган ва клублар тез орада ўзаро муросага келишига умид қилмоқда.
Ўтган мавсумда Чаваррия Ла Лигада 33 та ўйинда майдонга тушиб, 1 та гол урди ва 2 та голли узатмани амалга оширди.
