«Манчестер Юнайтед» «Аталанта» ярим ҳимоячиси Эдерсонни ўз сафига қўшиб олмайди.

Журналист Фабрицио Романонинг хабар беришича, манкунианликлар Италия клубига 27 ёшли ярим ҳимоячининг трансферидан воз кечганликлари ҳақида расмий тасдиқ юборишди.

Эслатиб ўтамиз, инглиз жамоаси футболчининг тиббий кўрик натижаларидан норози бўлган.

Эдерсон юзага келган вазиятдан ҳафсаласи пир бўлган. У Италияга қайтмоқда.

Шунингдек, «Аталанта» ярим ҳимоячига 2031 йилгача мўлжалланган янги шартнома таклиф қилиши айтилмоқда. Унинг амалдаги шартномаси 2027 йилгача амал қилади.