Бундан роппа-роса 12 йил муқаддам, 2014 йил 13 июль куни футбол бўйича жаҳон чемпионатининг финал учрашуви бўлиб ўтганди. Бразилиянинг «Маракана» стадионида ўшанда Германия ва Аргентина терма жамоалари бош соврин учун кураш олиб боришган.
Мундиал-2014 финалининг асосий вақтида томошабинлар гол кўришмади. Учрашув тақдири 113-дақиқада ҳал бўлди – Марио Гётце ўйин ягона голи муаллифига айланган эди.
Лионель Месси ўша баҳсда майдонда тўлиқ 120 дақиқа ҳаракат қилган бўлса-да, ўз жамоасига ёрдам бера олмаганди.
Қизиғи шундаки, Германия терма жамоаси ўша муваффақиятдан кейинги иккита жаҳон чемпионатида ҳатто гуруҳдан ҳам чиқа олмади. Жорий мундиалда эса «Бундестим» 1/16 финалда Парагвайга имкониятни бой бериб, турнирни тарк этди.
