Англиялик собиқ футболчи Трой Дини 2026 йилги Жаҳон чемпионати ярим финали доирасидаги Англия ва Аргентина терма жамоалари ўртасидаги учрашувдан кутилмалари билан ўртоқлашди. «Уч шерлар»нинг амалдаги жаҳон чемпионларига қарши баҳси 15 июль куни Тошкент вақти билан соат 00:00 да бошланади.
«Менимча, биз Аргентина терма жамоасини тор-мор этамиз. Англия камида 2:0 ҳисобида ғалаба қозонади, бунга ишончим комил. Аргентиналикларнинг ҳимоясида тўлиқ тартибсизлик ҳукм сурмоқда, уларнинг марказий ярим ҳимоячилари ҳеч нарсани назорат қила олмаяпти. Уларда фақат Месси бор, холос», — дея Динининг сўзларини келтиради talkSPORT.
Бир кун аввал ярим финалнинг биринчи учрашуви бўлиб ўтади, унда Испания ва Франция терма жамоалари тўқнаш келишади. Финал ўйини 19 июлга белгиланган.
