Норвегия терма жамоаси ҳужумчиси Эрлинг Холанд 2026 йилги Жаҳон чемпионатидаги сафари ҳақида ўз фикрларини билдирди.
«Жуда ажойиб вақт ва беқиёс саёҳат бўлди. Мени энг кўп таъсирлантиргани — Норвегияни турнирда қандай намойиш этганимиздир. Ҳозир бизда футболчиларнинг ажойиб авлоди бор. Умид қиламанки, бизнинг ўйинимиз норвегиялик ёшларни руҳлантиради», — дея скандинавиялик тўпурарнинг сўзларини келтиради Goal.com портали.
Нуфузли турнирда Холанн еттита гол билан ўз ҳисобига ёзиб қўйди. Норвегия терма жамоаси Жаҳон чемпионатининг чорак финалигача етиб борди ва у ерда муросасиз курашлар остида Англияга имкониятни бой берди (қўшимча бўлимларда 1:2).
