Франциялик ҳимоячи Люка Динь «Астон Вилла»дан «ПСЖ»га ўтишга яқин турибди.
Аввалроқ келишув яқин вақт ичида якунланиши ҳақида хабар берилган эди. Таниқли инсайдер Фабрицио Романо ижтимоий тармоқлардаги саҳифаларида ўйинчининг парижликлар билан меҳнат шартномаси уч мавсумга – 2029 йилнинг ўрталаригача мўлжалланганини аниқлаштирди.
ОАВ хабарларига кўра, парижликлар 32 ёшли футболчи учун тахминан 10 миллион евро тўлайди. Ҳозирда Динь Франция терма жамоаси сафида Жаҳон чемпионатида иштирок этмоқда. Унинг жамоаси мундиалнинг ярим финалига қадар етиб борди ва бугун Испания терма жамоасига қарши майдонга тушади.
