«Челси»нинг янги бош мураббийи Хаби Алонсо ҳимоячи Рис Жеймс янги мавсумда ҳам Лондон клуби сардори бўлиб қолишини эълон қилди.
«Рис Жеймс майдонда ҳамма ишни уддалай олади. У ҳужумда кучли, ажойиб паслар бера олади, стандарт вазиятларда моҳир ва энг муҳими, унинг қонида «кўклар» (Челси) ДНКси бор. Биз буни бутун жамоага ва янги футболчиларга сингдирмоқдамиз. Жеймс сардор бўлади», — дея Алонсонинг сўзларидан иқтибос келтиради talkSPORT.
Рис Жеймс — «Челси» тарбияланувчиси. Унинг Лондон клуби билан тузган шартномаси 2032 йилнинг 30 июнига қадар мўлжалланган. У «кўклар» сафида жами 229 та ўйин ўтказиб, 16 та гол урди ва 31 та голли узатмани амалга оширди.
