«Реал»нинг собиқ ярим ҳимоячиси Клод Макелеле Килиан Мбаппени қўллаб-қувватлади ва Франция терма жамоаси ҳужумчисига «Олтин тўп»ни қўлга киритишни тилади. 2026 йилги жаҳон чемпионатида ҳужумчи олтита ўйинда саккизта гол уришга муваффақ бўлди.
«Мен чин дилдан Мбаппе «Олтин тўп»ни ютишини истайман. Гарчи у бу мавсумда «Реал» билан ҳеч қандай титул ютмаган бўлса-да, жаҳон чемпионатида ҳақиқатан ҳам кўзга кўринарли ўйин намойиш этмоқда.
Килиан йилдан-йилга кўрсатаётган барқарор юқори натижалар унинг Роналдога ўхшашлигини янада яққолроқ кўрсатмоқда. Роналдони бежизга «Феномен» деб аташмаган — Мбаппени ҳам ҳақли равишда ўз авлодининг феномени деб ҳисоблаш мумкин.
Ишонаманки, Килиан бизни ҳали кўп бор ажаблантиради. Менинг фикримча, айнан Мбаппе ҳозирда Роналдо меросига энг яқин турган футболчидир», — дея Макелеленинг сўзларидан иқтибос келтиради Marca.
Жаҳон чемпионати 19 июль куни ўз якунига етади. Ярим финал босқичида Франция — Испания ва Англия — Аргентина тўқнашувлари бўлиб ўтади.
