«Real»ning sobiq yarim himoyachisi Klod Makelele Kilian Mbappeni qo‘llab-quvvatladi va Fransiya terma jamoasi hujumchisiga «Oltin to‘p»ni qo‘lga kiritishni tiladi. 2026 yilgi jahon chempionatida hujumchi oltita o‘yinda sakkizta gol urishga muvaffaq bo‘ldi.

«Men chin dildan Mbappe «Oltin to‘p»ni yutishini istayman. Garchi u bu mavsumda «Real» bilan hech qanday titul yutmagan bo‘lsa-da, jahon chempionatida haqiqatan ham ko‘zga ko‘rinarli o‘yin namoyish etmoqda.

Kilian yildan-yilga ko‘rsatayotgan barqaror yuqori natijalar uning Ronaldoga o‘xshashligini yanada yaqqolroq ko‘rsatmoqda. Ronaldoni bejizga «Fenomen» deb atashmagan — Mbappeni ham haqli ravishda o‘z avlodining fenomeni deb hisoblash mumkin.

Ishonamanki, Kilian bizni hali ko‘p bor ajablantiradi. Mening fikrimcha, aynan Mbappe hozirda Ronaldo merosiga eng yaqin turgan futbolchidir», — deya Makelelening so‘zlaridan iqtibos keltiradi Marca.

Jahon chempionati 19 iyul kuni o‘z yakuniga yetadi. Yarim final bosqichida Fransiya — Ispaniya va Angliya — Argentina to‘qnashuvlari bo‘lib o‘tadi.