Ҳужумчи Жон Дуран «Зенит»даги ижара муддати тугаганидан сўнг «Ан-Наср»га қайтишни истамаяпти.
Колумбиялик футболчи ўтган мавсумнинг иккинчи ярмини Санкт-Петербург клубида ўтказди. У РПЛда олтита ўйин ўтказиб, битта гол урди. Россия кубогида эса ҳужумчи учта ўйинда майдонга тушиб, яна битта голга муаллифлик қилди.
Журналист Яғиз Сабунджуоглунинг хабар беришича, «Ан-Наср» ҳужумчини жамоа таркибида кўришни истамаяпти, футболчининг ўзи ҳам клубга қайтишга қарши.
Дураннинг вакили 22 ёшли футболчининг келажагини муҳокама қилиш учун «Ан-Наср» раҳбарияти билан учрашиш мақсадида Саудия Арабистонига жўнаб кетди.
