Дортмунднинг «Боруссия» клуби «ПСЖ»нинг 18 ёшли вингери Ибраима Мбайени сотиб олиш имкониятини кўриб чиқмоқда. Бу ҳақда журналист Экрем Конур хабар берди.
Манба маълумотларига кўра, «Боруссия» Мбайеда яқин вақт ичида «Барселона»га ўтиши кутилаётган Карим Адейемига муносиб ўринбосарни кўрмоқда. Таъкидланишича, парижликлар ўз футболчисини 50 миллион евро эвазига қўйиб юборишга тайёр.
Миш-мишларга ишониладиган бўлса, Мбайе учун «РБ Лейпциг», «Тоттенхэм» ва «Астон Вилла» клублари ҳам кураш олиб бормоқда.
2025/26 йилги мавсумда сенегаллик футболчи барча турнирларни ҳисобга олганда 31 та ўйинда майдонга тушиб, 3 та гол урди ва 2 та голли узатмани ўз ҳисобига ёздириб қўйди.
