«Тоттенхэм»нинг қанот ҳимоячиси Жед Спенс фаолиятини Италия чемпионатида давом эттириши мумкин.
Инсайдер Фабрицио Романонинг таъкидлашича, Милан клуби аввалроқ хабар қилинганидек, 25 ёшли ўйинчи трансфери бўйича музокараларни давом эттирмоқда. Манба маълумотларига кўра, «Интер» Спенсни ўнг қанот ҳимоячиси позицияси учун асосий трансфер мақсади қилиб белгилаган. Футболчи ўтишга тайёр, аммо «Тоттенхэм»нинг талаблари ҳозирча Италия чемпионининг кутганидан юқорироқ бўлиб турибди.
2025/26 йилги мавсумда Спенс барча турнирларни ҳисобга олганда 44 та ўйинда майдонга тушди, бироқ гол ёки голли узатмаларни амалга ошира олмади.
Спенснинг «шпорлар» билан тузган меҳнат шартномаси 2029 йилгача мўлжалланган. Transfermarkt экспертлари инглиз футболчисини 30 миллион еврога баҳоламоқда.
