Мадриднинг «Реал» клуби ярим ҳимоячиси Эдуардо Камавинга яна бир топ-клубнинг нишонига айланди.
Франциялик футболчининг номзоди «Манчестер Юнайтед»да муҳокама қилинмоқда. Инсайдер Фабрицио Романонинг маълумотларига кўра, «қизил иблислар» «қаймоқранглилар» ярим ҳимоячисини майдон марказини кучайтириш вариантларидан бири сифатида белгилаб олишган. Муаммо шундаки, Камавинганинг ўзи «Реал»дан кетишдан мутлақо манфаатдор эмас. Музокаралар фақатгина футболчи ўз фикрини ўзгартириб, клубни тарк этиш имкониятини кўриб чиқсагина бошланиши мумкин.
Transfermarkt портали баҳосига кўра, Эдуардо Камавинганинг қиймати 50 миллион еврони ташкил этади. Ўтган мавсумда 23 ёшли футболчи 43 та учрашувда иккита гол ва битта голли узатмага муаллифлик қилди.
