«Страсбург» ярим ҳимоячиси Валентин Барко «Челси»га ўтишга яқин турибди.

DNA Sports нашри маълумотларига кўра, Лондон клуби аргентиналик футболчининг трансфери бўйича деярли келишувга эришди. «Кўклар» ярим ҳимоячининг ўтиши учун Франция клубига 40 миллион евро тўлайди. Келишув Барко иштирок этаётган Жаҳон чемпионати якунланганидан сўнг расмийлаштирилиши кутилмоқда.

Валентин Барко 2025 йилда 10 миллион евро эвазига «Брайтон»дан «Страсбург»га ўтган эди. Унинг шартномаси 2029 йилнинг 30 июнига қадар мўлжалланган. 2025/26 йилги мавсумда ярим ҳимоячи Франция клуби сафида барча турнирларда 43 та ўйинда майдонга тушиб, 3 та гол урди ва 9 та голли узатмани амалга оширди. Transfermarkt портали Барконинг трансфер қийматини 40 миллион еврога баҳоламоқда.