«Бавария» ва Франция терма жамоасининг собиқ футболчиси Вилли Саньоль «Бавария»да қайси франциялик ўйинчини кўришни исташи ҳақидаги саволга жавоб берди.

«Мен Уоррен Заир-Эмерининг мухлисиман. У айнан «Бавария» профилига мос келадиган футболчи. Заир-Эмери ўзига хос характер ва улкан меҳнатсеварликка эга, у футболчи сифатида жуда тўғри йўналишда ривожланмоқда. Агар у «ПСЖ»да захира ўриндиғида қолиб кетса, жамоадан кетиш ҳақида ўйлаб кўриши мумкин. Аммо унинг трансфер нархи жуда қиммат бўлади», — деди Саньоль Bild нашрига берган интервьюсида.

Уоррен Заир-Эмерининг «ПСЖ» билан тузган шартномаси 2029 йилнинг 30 июнига қадар мўлжалланган. Transfermarkt портали ярим ҳимоячининг трансфер қийматини 80 миллион еврога баҳоламоқда.