Бир вақтлар Англия терма жамоаси шарафини ҳимоя қилган Гари Линекер «уч шерлар»нинг Аргентина терма жамоасига қарши бўлажак ўйини ҳақида ўз фикрлари билан ўртоқлашди.
2026 йилги Жаҳон чемпионати 1/2 финал учрашуви 15 июль куни бўлиб ўтади. Учрашувга Тошкент вақти билан соат 00:00 да старт берилади.
«Ўйлайманки, ўйин жуда тенг кучлилар кураши остида ўтади. Инглизлар ўз кучларига етарлича ишонишади. Сўнгги иккита ўйинда улар ғалаба қозониш йўлини топишди, бу эса жуда муҳим. Жамоанинг менталитети ва бирдамлиги ҳақиқатан ҳам ҳайратланарли», — дея экспертнинг сўзларини келтиради Sky News.
Англия терма жамоаси охирги марта финалда 1966 йилда ўйнаган эди. Ўшанда футбол ватани вакиллари ГФР жамоасини мағлуб этиб, жаҳон чемпионларига айланишганди.
