«Арсенал» ва Франция терма жамоаси марказий ҳимоячиси Вильям Салиба 2026 йилги жаҳон чемпионати ярим финалида Испанияга қарши ўйинда (0:2) оғир жароҳат олди ва 2027 йилгача майдонга қайта олмаслиги мумкин.
L'Equipe нашри маълумотига кўра, франциялик футболчи бел қисмидаги жароҳати туфайли камида тўрт ойдан олти ойгача сафдан чиқди. Манбанинг таъкидлашича, Салибага жарроҳлик амалиёти ўтказилиши ва узоқ муддатли тикланиш жараёни керак бўлади.
Шунингдек, жаҳон чемпионати бошланишидан аввал ҳам Вильям кучли оғриқлардан шикоят қилган, аммо шунга қарамай ўйнашда давом этгани қайд этилмоқда.
2025/2026 йилги мавсумда Салиба «Арсенал» сафида мумкин бўлган 63 учрашувдан 50 тасида майдонга тушди. У жамоанинг Англия Премьер-лигасида чемпион бўлиши ва Чемпионлар лигаси финалига чиқишида ҳал қилувчи ўйинчилардан бири бўлди.
2026 йилги жаҳон чемпионатида эса Салиба Франция терма жамоаси сафида олтита ўйинда иштирок этди, аммо гол ёки голли узатма билан ажралиб тура олмади.
