Англия терма жамоаси ярим ҳимоячиси Жуд Беллингем ЖЧ-2026 ярим финалида Аргентинага қарши кечган баҳсда Лионель Месси билан бўлган суҳбат ҳақида сўзлаб берди.

Камералар икки юлдуз футболчи ўртасидаги мулоқотни тасвирга олиб қолди. Экспертлар суҳбатни тахминан талқин қилишди ва инглиз футболчиси аргентиналиклар сардори билан фол (қоидабузарлик) ҳақида гаплашганини тасдиқлади.

«Месси билан суҳбатми? Биз фолни муҳокама қилдик. Бунда ёмон ҳеч нарса йўқ эди. Ишонаманки, бундан катта воқеа ясашади, лекин алоҳида ҳеч гап йўқ эди», — дея Беллингемнинг сўзларини келтиради Madrid Zone.

Аргентина учрашув якунида урилган иккита гол эвазига Англия устидан ғалаба қозонди (2:1). Финалда «альбиселесте» Испания билан куч синашади, Англия эса учинчи ўрин учун баҳсда Францияга қарши майдонга тушади.