Англия терма жамоаси бош мураббийи Томас Тухель ЖЧ-2026 турнирида Францияга қарши кечадиган 3-ўрин учун баҳс ҳақида ўз фикрларини билдирди. Инлизлар ярим финалда аргентиналикларга (1:2), французлар эса испанларга (0:2) имкониятни бой беришган эди.
«Биз ўзимиздан максимал натижани талаб қиламиз — курашга чоғланган инсонларнинг табиати шундай. Бу эса бўлажак ўйинга бўлган муносабатни ўзгартиради. Бизнинг футболчиларимиздан ҳеч бири, худди французлар каби, бу ўйинда майдонга тушишни истамаяпти. Улар финалда ўйнашни хоҳлашади.
Биз финалга чиқиш учун бор кучимизни бердик. Ҳамма жаҳон чемпионатида ғолиб чиқиш учун ўйнайди, аммо вазият шундай тус олди. Ҳа, бизда Францияга қараганда тикланиш учун бир кун камроқ вақт бор, лекин биз, шубҳасиз, бунга профессионал даражада ёндашамиз», — деди Тухель матбуот анжуманида.
