Испания терма жамоаси ҳимоячиси Марк Кукурелья жорий Жаҳон чемпионатидаги муваффақият ҳолатида жамоа бош мураббийи Луис де ла Фуэнтенинг сурати туширилган татуировка қилдиришга тайёр.
«Агар Жаҳон чемпионатида ғолиб чиқсак, танамга Луис де ла Фуэнтенинг юзи акс этган татуировка қилдираман», — дея Кукурельянинг сўзларини келтиради таниқли журналист Фабрицио Романо.
Мундиал ярим финалида Испания терма жамоаси французларни ишончли ҳисобда мағлуб этиб (2:0), турнир финалига йўл олди.
Якшанба, 19 июль куни де ла Фуэнте шогирдлари кубок учун кечадиган ҳал қилувчи баҳсда Аргентина терма жамоасига қарши майдонга тушади.
