Фабрицио Романо Христос Цолиснинг "Брюгге"дан Лондоннинг "Арсенал" клубига ўтаётганини тасдиқлади. Бельгия клуби грециялик футболчи учун 40 млн евро олади, унга аллақачон "Арсенал"да тиббий кўрикдан ўтишга рухсат берилган.
"Артета учун янги вингер, чунки Цолис фақат "Арсенал"ни хоҳлаган ва бошқа клублар таклифидан воз кечган", — дея тушунтирди Романо.
Эслатиб ўтамиз, аввалроқ "Арсенал" клубда уч ярим йил ўтказган Леандро Троссар билан хайрлашган эди. Бельгиялик футболчи Истанбулнинг "Бешикташ" клубига ўтди.
Цолис 24 ёшда, у универсал ҳужумчи ҳисобланади. Майдондаги асосий позицияси — чап вингер, бироқ у ҳужум марказида ҳам, қарама-қарши қанотда ҳам ўйнай олади. У ПАОК тарбияланувчиси бўлиб, аввалроқ "Норвич", "Твенте" ва Дюссельдорфнинг "Фортуна" жамоаларида ўйнаган.
