«Ливерпуль»нинг собиқ бош мураббийи Юрген Клопп 2026 йилги жаҳон чемпионати ярим финалида Аргентинага қарши ўйиндан (1:2) кейин Англия терма жамоаси устози Томас Тухель танқидга учрагани ҳақида ўз фикрларини билдирди.
Англия учрашув давомида 1:0 ҳисобида олдинда бораётган эди, аммо иккинчи бўлимда эҳтиёткорроқ ҳаракат қилиб, якунда Аргентинага 1:2 ҳисобида мағлуб бўлди.
«Ўйиндан кейин ҳамма мураббийлик жуда осон ишдек фикр юритади. Гўёки фақат ҳужум қилиш ёки ҳимояланишни танлаш кифоя. Аммо футбол бундан анча мураккаб.
Мен Тухелни 1:0 ҳисобини сақлаб қолишга урингани учун танқид қилишяпти, деб кўряпман. Лекин сизларга битта нарсани айтаман: агар у бундай қилмаганида, ҳужум қилишда давом этганида ва жамоа гол ўтказиб юборганида, худди шу одамлар: "Нега у ўйинни назорат қилмади? Нега устунликни ҳимоя қилмади?" деб айтишарди.
Плей-офф ўйинларида қайси қарорни қабул қилманг, барибир кимдир сизни танқид қилади. Мен ҳар бир қарор мукаммал деймаяпман, аммо унинг ортидаги мантиқни тушуниш керак.
Бундай босқичда ўйинни бошқариш ҳеч қачон осон бўлмайди», — деди Клопп.
Эслатиб ўтамиз, ушбу мағлубиятдан кейин Англия терма жамоаси жаҳон чемпионлиги учун курашиш имкониятини йўқотди. Энди англияликлар ЖЧ-2026нинг учинчи ўрни учун Францияга қарши майдонга тушади.
