ЖЧ-2026 мусобақасининг 3-ўрин учун кечадиган Франция ва Англия терма жамоалари ўртасидаги баҳсга хизмат кўрсатадиган ҳакамлар бригадаси маълум бўлди. Бу ҳақда ФИФА матбуот хизмати хабар берди.
Учрашувни венесуэлалик тажрибали ҳакам Хесус Валенсуэла бошқариб боради. Унга қанотларда ҳамюртлари Хорхе Мартинес ва Тулио Морено кўмак беришади. Тўртинчи ҳакам вазифасини марокашлик Жалал Жайед бажарса, захира ҳаками сифатида яна бир марокашлик Закария Бринси тайинланди.
Эслатиб ўтамиз, Франция терма жамоаси ярим финалда Испанияга (0:2), Англия эса Аргентинага (1:2) имкониятни бой бериб қўйганди.
Франция ва Англия терма жамоалари ўртасидаги «бронза» финали 19 июль куни Тошкент вақти билан соат 02:00 да бошланади.
