Юрген Клопп яқин орада мураббийлик фаолиятига қайтиши кутилмоқда.
Маълум бўлишича, мутахассис Германия футбол иттифоқи (DFB) билан принципиал келишувга эришган. Журналист Флориан Плеттенбергнинг хабар беришича, якшанба куни Нью-Йоркда Клоппнинг DFB вакили билан навбатдаги учрашуви бўлиб ўтади. Барча томонлар битимни якунлаш ва тайинловни расман кейинги ҳафта эълон қилишни режалаштирмоқда. Жаҳон чемпионати финалига қадар ҳеч қандай расмий баёнот берилиши кутилмаяпти.
2025 йил бошидан буён Юрген Клопп Red Bullнинг футбол бўлимида раҳбарлик лавозимида ишлаб келмоқда. Бунгача немис мураббийи «Ливерпуль» жамоасини бошқарган.
