«Барселона» президенти Жоан Лапорта Аргентина ва Испания терма жамоалари ўртасида бўлиб ўтадиган Жаҳон чемпионати финали ҳақидаги фикрлари билан ўртоқлашди. Мундиал ғолиби 19 июль куни аниқланади. Финал учрашуви Тошкент вақти билан 20 июль куни соат 00:00 да бошланади.

«Финалда «Барселона»нинг саккиз нафар вакили иштирок этишидан жуда фахрланамиз. Бу терма жамоалар даражасида кўриш мумкин бўлган энг яхши ўйин. Бизни икки хил услубнинг тўқнашуви кутмоқда. Аргентина қатъиятлироқ ўйнайди, Испания услуби эса «Барса»никига яқинроқ. Биз кучлироқмиз деб ҳисоблайман. Ҳакам ўз характерини кўрсатиши ва ўз қоидаларини ўйинчиларга ўтказиши керак. Шубҳасиз, агар ҳакам ўз салоҳиятини тўлиқ намойиш этса, Испаниянинг ғалаба қозониш имконияти юқорироқ бўлади», — дея Лапортанинг сўзларини келтиради Barca Universal.

Эслатиб ўтамиз, ярим финалда испанияликлар Францияни мағлуб этган (2:0), Аргентина эса Англиядан устун келган эди (2:1).