Мюнхеннинг «Бавария» клуби ярим ҳимоячиси Майкл Олисе Мадриднинг «Реал» клубига эҳтимолий ўтиши юзасидан Франция терма жамоасидаги шериклари Килиан Мбаппе ва Орельен Тчуамени билан маслаҳатлашди.
Иккала футболчи ҳам «қаймоқранглилар» сафида тўп суради. L’Equipe нашрининг хабар беришича, Олисени клубдаги муҳит қизиқтирган.
Бўлажак эҳтимолий жамоадошлари унга нима деб жавоб бергани маълум эмас. Аввалроқ Олисе «Бавария»дан кетиш ва «Реал»га ўтишга қарор қилгани хабар қилинган эди.
2025/2026 йилги мавсумда Мадрид клуби Мбаппе ва Винисиус ўртасидаги муносабатларнинг ёмонлашуви фонида юзага келган можаролар билан боши қотганди. Клуб раҳбарияти футболчиларни базага чақириб, улар билан жиддий суҳбат ўтказишга мажбур бўлганди.
