Англия терма жамоаси бош мураббийи Томас Тухель ЖЧ-2026 ярим финалида Аргентинага қарши кечган баҳс натижасини белгилаб берган ҳал қилувчи омил сифатида тўпга эгалик қилишни кўрсатди.
Немис мутахассиси инглизлар гол урганидан сўнг деярли тўпсиз ўйнашганини таъкидлади.
"Менимча, тўпни ушлаб туриш жуда муҳим. Бу, эҳтимол, бизнинг футбол ДНКмизга Испания ёки Аргентина-Бразилия ДНКсидаги каби сингиб кетмаган", - дея Тухелнинг сўзларини келтиради Sky Sports.
Унинг қўшимча қилишича, тўпсиз рақиб прессингидан чиқиб кетиш имконсиз. Аргентиналиклар эса жисмоний жиҳатдан яхшироқ тайёрланган кўринди, бунинг устига, инглиз жамоаси футболчилари ҳам кўплаб ноаниқ узатмаларга йўл қўйишди.
Англия 1:2 ҳисобида мағлуб бўлди ва энди бронза медали учун Франция билан баҳслашади.
