Германия терма жамоасининг бўлажак бош мураббийи Юрген Клопп ўз ҳамюрти ва Англия терма жамоаси устози Томас Тухель манзилига айтилаётган танқидларга муносабат билдирди.
Аввалроқ инглизлар Жаҳон чемпионати ярим финалида Аргентинага мағлуб бўлиб (1:2), голларни 85 ва 90+2-дақиқаларда ўтказиб юборган эди.
Клоппнинг таъкидлашича, ўйиндан кейин одамлар худди мураббийлик иши жуда осондек гапиришади — гўёки ҳужумкор ёки ҳимоявий ўйинни танласанг бўлди, аммо футбол ундай ишламайди.
«Футбол анча мураккаб. Мен Тухелни 1:0 ҳисобини сақлаб қолишга урингани учун танқид қилишаётганини кўряпман, лекин сизга бир нарсани айтай: агар у бундай қилмаганида, олдинга боришда давом этиб, гол ўтказиб юборганида, ўша одамларнинг ўзлари: "Нимага у ҳисобни сақлаш учун ҳимояга ўтирмади?" деб гапиришган бўларди. Плей-офф ўйинларида қандай қарор қабул қилмагин, кимдир сени барибир танқид қилади», — дея Клоппнинг сўзларини келтиради The Touchline.
