Germaniya terma jamoasining bo‘lajak bosh murabbiyi Yurgen Klopp o‘z hamyurti va Angliya terma jamoasi ustozi Tomas Tuxel manziliga aytilayotgan tanqidlarga munosabat bildirdi.

Avvalroq inglizlar Jahon chempionati yarim finalida Argentinaga mag‘lub bo‘lib (1:2), gollarni 85 va 90+2-daqiqalarda o‘tkazib yuborgan edi.

Kloppning ta’kidlashicha, o‘yindan keyin odamlar xuddi murabbiylik ishi juda osondek gapirishadi — go‘yoki hujumkor yoki himoyaviy o‘yinni tanlasang bo‘ldi, ammo futbol unday ishlamaydi.

«Futbol ancha murakkab. Men Tuxelni 1:0 hisobini saqlab qolishga uringani uchun tanqid qilishayotganini ko‘ryapman, lekin sizga bir narsani aytay: agar u bunday qilmaganida, oldinga borishda davom etib, gol o‘tkazib yuborganida, o‘sha odamlarning o‘zlari: "Nimaga u hisobni saqlash uchun himoyaga o‘tirmadi?" deb gapirishgan bo‘lardi. Pley-off o‘yinlarida qanday qaror qabul qilmagin, kimdir seni baribir tanqid qiladi», — deya Kloppning so‘zlarini keltiradi The Touchline.