"Барселона" ва "Манчестер Сити" жамоаларининг собиқ бош мураббийи Хосеп Гвардиола Неймарни машқ қилдиришни истаганини тан олди.
"Мен доимо Неймар билан ишлашни хоҳлаганман. Менга унинг гўзал футболи, "Барселона"даги энг яхши йилларида Луис Суарес ва Лионель Месси билан биргаликда ҳаракатланиши ёқарди. Луис Энрике бошқарувидаги бу учликни тўхтатишнинг иложи йўқ эди", — деди Гвардиола OKX каналига берган интервьюсида.
Гвардиола "Барселона"ни 2008 йилдан 2012 йилгача бошқарган, Неймар эса каталонияликлар сафига у кетганидан бир йил ўтиб қўшилган эди. Бразилиялик футболчи "кўк-анорранглилар" сафида 2017 йилгача тўп сурди, шундан сўнг 222 миллион евро эвазига "ПСЖ"га ўтди. Бу трансфер шу кунгача жаҳон футболида рекорд ҳисобланади.
